மீண்டும் முதல்வராகும் தலைவர்
இந்நிலையில், தமிழக அரசியலில் முன்னெப்போதும் இல்லாத ஒரு ‘அசாத்திய’ சாத்தியம் விவாதப் பொருளாகியுள்ளது – திமுக மற்றும் அதிமுக இணைந்து ஆட்சி அமைக்கும் வாய்ப்பு.
தேர்தல் முடிவுகளுக்குப் பிறகு இரு திராவிடக் கட்சிகளும் தங்களுக்குள் பேச்சு வார்த்தைகளைத் தீவிரப்படுத்தியுள்ளதாகக் கூறப்படுகிறது. “தவெக ஆட்சிக்கு வந்தால் இரு கட்சிகளுக்கும் பெரும் சேதாரம் ஏற்படும்” என இரு தரப்பு மூத்த தலைவர்களும் மதிப்பிட்டுள்ளனர்.சென்னை, மே 6 : நடிகர் விஜய் தொடங்கிய தமிழக வெற்றி கழகம் (தவெக) சட்டமன்றத் தேர்தலில் ஒன்றரை கோடிக்கும் மேற்பட்ட வாக்குகளைப் பெற்றிருந்தாலும், பெரும்பான்மைக்குத் தேவையான சட்டமன்ற உறுப்பினர்களைப் பெறத் தவறியுள்ளது இந்நிலையில், தமிழக அரசியலில் முன்னெப்போதும் இல்லாத ஒரு ‘அசாத்திய’ சாத்தியம் விவாதப் பொருளாகியுள்ளது – திமுக மற்றும் அதிமுக இணைந்து ஆட்சி அமைக்கும் வாய்ப்பு. தேர்தல் முடிவுகளுக்குப் பிறகு இரு திராவிடக் கட்சிகளும் தங்களுக்குள் பேச்சு வார்த்தைகளைத் தீவிரப்படுத்தியுள்ளதாகக் கூறப்படுகிறது. “தவெக ஆட்சிக்கு வந்தால் இரு கட்சிகளுக்கும் பெரும் சேதாரம் ஏற்படும்” என இரு தரப்பு மூத்த தலைவர்களும் மதிப்பிட்டுள்ளனர். கொள்கை வேறுபாடுகள், கடந்தகால கசப்புகள் இருந்தபோதிலும், “தமிழகத்தில் ஆட்சி அதிகாரத்தைத் தக்கவைக்க வேண்டும்” என்ற உயிர்நாடியான தேவை இரு கட்சிகளையும் ஒன்றிணைக்கும் நிலைக்குத் தள்ளியுள்ளது. குறிப்பாக, திமுக அமைச்சர்கள் மற்றும் சட்டமன்ற உறுப்பினர்கள் மீது பல்வேறு ஊழல் வழக்குகள் நிலுவையில் உள்ளன. அதிகாரம் இல்லாமல் போனால் அவர்களுக்கு பெரும் சட்டப் பிரச்னைகள் எழும் என்பதால், திமுக தரப்பு அதிமுக தலைவர் எடப்பாடி பழனிசாமியை முதலமைச்சராக்கி, வெளியில் இருந்து ஆதரவு அளிக்கும் திட்டத்தைத் தீவிரமாகப் பரிசீலித்து வருவதாக உயர்மட்ட தகவல்கள் தெரிவிக்கின்றன. ஒருபுறம் திமுக-அதிமுக இணைந்து ஆட்சி அமைக்கும் பேச்சு எழுந்திருக்க, மறுபுறம் அதிமுக தவெகவுடன் கூட்டணி அமைத்து திமுகவை முழுமையாக ஒதுக்கி வைக்கும் வாய்ப்பும் உள்ளது. அப்படி நடந்தால் திமுக ஒரு கட்சியாகவே அரசியல் களத்தில் இருந்து மறைந்து விடும் அபாயம் உள்ளது என்று அரசியல் விமர்சகர்கள் கருத்து தெரிவிக்கின்றனர். நடிகர் விஜயின் அரசியல் பிரவேசம் தமிழக அரசியலை முழுமையாக மாற்றியமைத்துள்ளது. யாரும் கனவில்கூட நினைத்துப் பார்க்காத திமுக-அதிமுக கூட்டணி உருவாகுமா? அல்லது அதிமுக தவெகவுடன் இணைந்து புதிய அரசியல் சமன்பாட்டை உருவாக்குமா? என்பதை அடுத்த சில நாட்களில் நடைபெறும் உயர்மட்ட பேச்சுவார்த்தைகளே தீர்மானிக்கும்.
தமிழக அரசியல் களத்தை மட்டுமல்ல, முழு இந்தியாவும் ஆர்வத்துடன் கவனித்து வருகிறது. 2026 சட்டமன்றத் தேர்தல் முடிவுகள் தமிழக அரசியலில் ஒரு புதிய அத்தியாயத்தைத் தொடங்கியுள்ளது என்பது மட்டும் உறுதி